түрк – американ сода – санаәтчилири байдинни түрк дунйасиниң сәзгүрлүкини нәзәрдә тутушқа чақирди

түркийә авази радийоси хәвири: түрк – американ сода – санаәтчиләр җәмийити байанат елан қилип, түркийә билән американиң истратегийәлик һәмкарлиқиниң район вә дунйадики муһим тәңпуңлуқ амили икәнликигә ишарәт қилған һалда: «1915- йили йүз бәргән көңүлсиз вәқәләрни, әйни дәврниң шараитиға асасән муһакимә қилишни қайрип қойуп, уни түркийәгә бесим ишлитиш васитисиға айландуруш урунушлири иҗабий мунасивәтлиримизгә көләңгә чүшүрмәктә» дегәнләрни қәйт қилди.

байанатта: «биз һакимийәт бешиға чиққан күндин башлап дунйа билән бәрпачи алақә орнитишқа тиришиватқан америка пирезиденти җо байдин вә униң һөкүмитиниң, 1915 – йил вәқәлири тоғрисида түрк дунйасиниңму сәзгүрлүкини ойлашқан һалда ақиланә позитсийә билдүрүшини үмид қилимиз» дегән ибариләргә орун берилди.

байанатта йәнә, түрк – американ сода – санаәтчиләр җәмийитиниң пәқәт түрк сода – санаәтчилириниң америкадики мәвҗутлуқи әмәс, америка сода дунйасиниң түркийәдики мәвҗутлуқиниң давамлишиши вә гүллиниши җәһәттиму мәсулийәтни үстигә елип келиватқанлиқи әскәртилип: «түркийә билән американиң истратегийәлик һәмкарлиқ сәвийәсидики сода мунасивитиниң тәрәққий қилдурулушини, тарихчилар бәс – муназирә қилиши керәк болған мәсилиләрниң икки дост дөләтниң сийасий, сода вә һәммидин муһими достлуқ мунасивитимизгә пассип тәсир көрситидиған бир реторик қоллинилмаслиқини үмид қилимиз» дейилди.