pelestinlikler israiliyege qarshi namayish ötküzdi

minglighan pelestinlik ishghal astidiki quddustiki mesjidi eqsa seynasigha yighilip, israiliyening ramizan éyi bashlanghandin buyan özlirige qilip kéliwatqan hujumlirigha naraziliq bildürdi.

1627440
pelestinlikler israiliyege qarshi namayish ötküzdi

türkiye awazi radiyosi xewiri: pelestinlikler terawih namizidin kéyin israiliye ishghaliyiti we uning quddusta yolgha qoyghan siyasetlirige qarshi naraziliq namayishi ötküzdi.

pelestin bayraqlirini kötürüwélishqan namayishchilar, «quddusqa milyonlarche shéhit süpitide barimiz» dep shoarlarni towlidi.

israiliye saqchiliri tünügün terawih namizidin kéyin ishghal qilinghan sherqiy quddusta pelestinliklerge awaz bombisi we yuqiri bésimliq su ishlitip mudaxile qilishi netijiside 105 adem yarilanghanidi.

ramizan éyining bashlinishi bilen israiliye saqchiliri demeshq derwazisi aldidiki olturush ornini tosaqlar bilen taqiwetkenidi.

israiliye saqchiliri, ramizanning birinchi künidin bashlap, terawih namizidin kéyin demeshq derwazisi aldidiki boshluqta olturidighanliqini bildürüp yighilghan pelestinliklerge mudaxile qilishni dawamlashturmaqta؛ pelestinliklermu teleplirini izchil otturigha qoyup, naraziliqini ipadilimekte.



مۇناسىۋەتلىك خەۋەرلەر