йапонийәдә  ковид -19 йуқуми сәвәбидин җиддий һаләт  йәнә елан қилинидиған болди

йапонийәниң пайтәхти токйо билән бәзи өлкиләрдә әвҗ еливатқан ковид -19 йуқуми сәвәбидин қайтидин җиддий һаләт елан қилинидиған болди.

1626922
йапонийәдә  ковид -19 йуқуми сәвәбидин җиддий һаләт  йәнә елан қилинидиған болди

түркийә авази радийоси хәвири: йапонийәдә ковид -19 тәдбирлиригә мәсул кабинет әзаси нишимура йасутоши мухбирларни күтүвелиш йиғинида, таҗисиман вирус вә униң варийантлириниң дөләт миқйасида қайтидин көпийишкә башлиғанлиқини ейтти.

нишимура йасутоши йуқумға қарши күрәштә җиддий һаләт елан қилишниң муһимлиқини тәкитләп, «вирусниң йуқумлиниш нисбити йуқири варийантлирини контироллуқ астиға алалишимиз үчүн техиму күчлүк тәдбирләрни йолға қойушқа тоғра келиду» деди вә хәлқни йапонийәдә 29- апрелдин 5 – майғичә  өткүзүлидиған «огон шукан» (алтун һәптә) дәм елиш мәзгилини өйдин сиртқа чиқмай өткүзүшкә чақирди.  

нишимура йасутоши 29-апрелдин 5-майғичә болған арилиқта йуқумлиниш нисбитиниң техиму йуқури өрлишидин әндишә қиливатқанлиқини шуңа хәлқниң өйидин сиртқа чиқмаслиқи керәкликини билдүрди.

баш министир суга йошиһидему һөкүмәттики ковид -19 мәслиһәтчиләр комитетиниң тәвсийә қараридин кейин, иҗра қилинидиған тәдбирләрни  елан қилидиған болди.

пайтәхт токйо  билән осака, хийого вә кйотода 25 – апрел башлинидиған җиддий һаләт 11-майғичә күчкә игә болиду.

җиддий һаләт илгириму йапонийәниң охшимиған җайлирида, 2020-йили апрелдин 2021-йили йанвағичә болған җәрйанда а икки қетим йолға қойулған иди.



مۇناسىۋەتلىك خەۋەرلەر