makkénzi: afghanistangha ishghal qilish meqsitide qayta kirmeymiz

türkiye awazi radiyosi xewiri: amérika armiyesi merkizi qisimlar qomandani général – polkownik kénnit makkénzi, afghanistandiki amérika eskerliri chékingendin kéyin, bu dölettiki térrorluq tehditige qarshi turushning qiyin bolidighanliqini, emma her qandaq shekilde ishghal meqsitide afghanistangha kirmeydighanliqlirini bildürdi.

général – polkownik makkénzi, amérika awam palatasi qoralliq qisimlar komitétida söz qilip, amérika qoshma ishtatlirining afghanistangha qaytidin esker ewetmeydighanliqini tekitlidi.

u: «buningdin kéyin eqilge uyghun her qandaq sharaitta ishghal qilish meqsitide afghanistangha kirmeymiz. qilidighan ishimiz bizge hujum qilmaqchi bolghanlarni bayqiyalighan daire bilen cheklinidighan bolup, ulargha qarita qilishqa tégishlik ishlarni qilimiz. buni asandek qilip körsitishni xalimeymen. asan emes, intayin qiyin bolidu, lékin pütünley imkansiz emes» dégenlerni qeyt qildi.

makkénzi, amérikaning afghanistandiki térrorluqqa qarshi turush herikitini asasliqi bashqa döletlerge orunlashturulghan amérika hawa armiyesidin paydilinip élip baridighanliqini sözlirige ilawe qildi.