amérika pakistanni kilimat özgirishi bashliqlar yighinigha teklip qildi
washington hökümiti deslepte teklip qilmighan pakistanni amérika qoshma ishtatliri pirézidénti jo baydinning chaqiriqigha binaen 22 – 23 – aprél künliri tor muhiti astida chaqirilidighan kilimat özgirishi bashliqlar yighinigha teklip qildi.
türkiye awazi radiyosi xewiri: pakistan bash ministir imran xanning kilimat özgirishi ishliri meslihetchisi malik amin aslam, amérika qoshma ishtatlirining kilimat özgirishi ishliri alahide wekili jon kéridin bashliqlar yighinigha qatnishish üchün teklip mektubi tapshuruwalghanliqlirini eskertish bilen bir waqitta, kilimat özgirishi bashliqlar yighinining 22 – aprél küni ötküzülidighan olturushigha, pakistangha wakaliten özining qatnishidighanliqini qeyt qildi.
amérika qoshma ishtatliri pirézidénti jo baydin, 26 – mart küni, jumhur reis rejep tayyip erdoghannimu öz ichige alghan 40 döletning rehbirini tor muhiti astida chaqirilidighan kilimat özgirishi bashliqlar yighinigha teklip qilghanidi.
baydinning bashliqlar yighinigha pakistanni teklip qilmasliqi, pakistan bash ministiri imran xanning naraziliqini qozghighanidi.
imran xan, 3 – aprél küni élan qilghan bayanatida, mezkur yighingha pakistanning teklip qilinmasliqidin tolimu ghelitilik hés qilghanliqlirini bildürgenidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
