трамп байдинниң сийасәтлирини әйибләп: у русийә билән хитайни йеқинлаштуруватиду, деди

америка қошма иштатлириниң сабиқ пирезиденти доналд трамп, п җо байдинниң хитай билән русийәни өзара йеқинлаштуруватқанлиқини вә буниң америка үчүн «йүз беридиған әң начар иш» икәнликини илгири сүрди.

1624637
трамп байдинниң сийасәтлирини әйибләп: у русийә билән хитайни йеқинлаштуруватиду, деди

түркийә авази радийоси хәвирисабиқ пирезидент трамп «фокс хәвәрләр қанили» дин сеан һаннитйниң биваситә тарқитилидиған сөһбәт пирограммисиға қатнишип, күнтәртиптики мәсилиләргә даир қарашлирини оттуриға қойди.

трамп өзиниң пирезидентлиқи мәзгилидә русийә пирезиденти владимир путин вә шималий корейә рәһбири ким җоңунға охшаш кишиләр билән йахши чүшинишкәнликини вә өз районидики күчлүк рәһбәрләр билән алақә қилишиниң америка үчүн йахши иш икәнликини ейтти.

трамп байдин һөкүмитиниң русийәгә қаратқан сийаситини тәнқидләп: «русийәни хитайниң қолиға иттиришниң орниға, русийә билән чүшиниш һасил қилип, сода қилишимиз керәк. бизниң қилалайдиған әң начар ишимиз хитай билән росийәни өзара йеқинлаштуруш. нөвәттә улар бирликтә» деди.

 (ковид – 19) йуқуми башлиғучә өзиниң хитай дөләт рәиси ши җинпиң биләнму йахши өткәнликини тилға алған трамп, хитай билән түзгән сода келишиминиң америкалиқ ишләпчиқарғучилар үчүн интайин пайдилиқ болғанлиқини билдүрди.

у, америка қошма иштатлириниң җәнубий чеграсида йеқинқи мәзгилләрдә көпийип кәткән көчмәнләр мәсилисидиму байдин һөкүмитини әйибләп, байдинниң сийасәтлириниң дөләткә зор зийанларни  елип кәлгәнликини илгири сүрди.

доналд трамп чеградики әһвал тоғрисида тохтилип: «наһайити қорқунчлуқ ишлар йүз бериватиду؛ улар дөлитимизни вәйран қиливатиду. кишиләр бу йәргә топлиниватиду, илгири бу дәриҗидә бундақ иш йүз бәрмигәниди» деди.



مۇناسىۋەتلىك خەۋەرلەر