rusiye ukrainaning rusiyelik diplomatni chégradin qoghlap chiqirish qararigha narazliq bildürdi
rusiye tashqi ishlar ministirliqi ukrainaning rusiye diplomatini chégradin qoghlap chiqirish qararigha narazliq bildürdi.
türkiye awazi radiyosi xewiri: ukrainaning rusiye diplomatigha qaratqan eyibleshlirining «asassiz» we «yalghan» ikenliki bildürülgen bayanatta, «rusiye tashqi ishlar ministirliqi ukraina terepning dostane bolmighan qedimige narazliq bildüridu » déyildi.
rusiyede, ukrainaning sant pétirsburg konsuli aléksandir sosonyukning «mexpiy uchur bilen teminlesh» jinayiti bilen qolgha élinghanliqi we chégradin chiqip kétishni telep qilghanliqi eskertilgen bayanatta, «ukraina hökümiti rusiye diplomatining <yaqturulmadighan kishi> dep élan qilinishigha alaqidar bergen notasini buninggha jawaben berdi. bu pozitsiyeni qetiy qobul qilishqa bolmaydu» déyildi.
aléksandir sosonyukning rusiyede «qanunsiz» paaliyetler bilen shughullanghanliqi ilgiri sürülgen bayanatta yene mundaq déyildi:
«rusiye tashqi ishlar ministirliqi rusiye diplomatining ukrainadin qoghlap chiqirilishini simmétrik tedbir dep qarimaydu hemde ukrainaning moskwada turushluq bash elchixanisidiki diplomatiye xadimliridin birsige qarshi tedbir xaraktérlik qedem tashlash hoquqini saqlap qalidu»
rosiye fédératsiye bixeterlik orgirini (FSB) 17 - aprélda ukrainaning sant pétirsburg konsuli aléksandir sosonyukni «mexpiy uchur bilen teminlidi» dégen seweb bilen nazaretke alghan idi.
rusiye tashqi ishlar ministirliqimu aléksandir sosonyukning 19-apréldin étibaren 72 saet ichide rusiyedin chiqipkétishini telep qilghan idi.
buninggha qarita ukraina tashqi ishlar ministirliqi rusiyening kiyéwda turushluq bash elchixanisining yuqiri derijilik diplomatlirini chégradin qoghlap chiqirish qarari alghan idi.