amérikadiki nurghun ishtatlarda saqchilargha qarshi namayishlar dawamlashmaqta
esli afriqiliq yash daunté raytning bir saqchi teripidin étip öltürülishi bilen bashlanghan namayish minniapolis shehride dawamlishiwatqinigha 1 heptidin ashti.
türkiye awazi radiyosi xewiri: nechche yüzligen kishi bruklin saqchi idarisi aldida we minnésota unwérsititida yighilip, irqiy ayrimchi saqchilarning zorawanliqigha we saqilarning namayishchilargha qaratqan qattiq qolliqigha naraziliq bildürdi.
portlandtimu namayishchilar amérikida saqchilar teripidin öltürülgen afriqiliqlarning ismini yuqiri awazda oqudi we rayt üchün adalet telep qildi.
dénwérdimu namayishchilar lozunkilarni kötürüshüp, «qara tenliklerning hayati muhim» dégen shoarlarni towlidi we saqchilarning zorawanliqigha naraziliq bildürdi.
shimaliy karolina ölkisige qarashliq sharlot shehiride, «qara tenliklerning hayati muhim» guruppisi ezaliri saqchilarning zorawanliqigha qarshi namayish ötküzdi. first ward baghchisigha yighilghan namayishchilar sheher merkizige qarap yürüsh qildi.
daunté raytni öltürgen saqchi memuri kim pottér ikkinchi derijilik qestlep öltürüsh jinayiti bilen eyiblenmekte.
éhtiyatsizliqtin tok tapanchisini alimen dep heqiqi tapanchisini chiqarghanliqi ilgiri sürülgen kim pottérning 10 yilliq qamaq jazasigha höküm qilinishi telep qilinmaqta.
