afghanistan parlaménti istanbul konféransining tarixiy purset ikenlikini bildürdi

türkiye awazi radiyosi xewiri: afghanistan parlaméntining bashliqi mir raxman raxmani parlaméntta, istanbul konféransining dölette urush toxtitish we afghanistan mesilisige tinchliqni yaqilaydighan hel qilish charisi tépish ümidini peyda qilghanliqini bildürdi.

u rayonluq we xelqaraliq muresse bolushining, shundaqla milliy muresse aliy kéngishining istanbul tinchliq konféransigha teyyarliq qilishining, tinchliqni kapaletke ige qilish we urushni axirlashturush mesiliside ümidni kücheytkenlikini eskertip, talibanningmu mezkur konféransni qetiy qachurup qoymasliqi kéreklikini qeyt qildi.

u konféransta hazirqi hökümet sistémisi, asasiy qanun, qolgha keltürgen meniwiyet we erkinliklerni qoghdashning barliq terepler üchün muhimliqqa ige bolushi kéreklikini tekitlidi.

u talibanning istanbul konféransigha qatnishish üchün b d t we küchlük tesirge ige döletlerdin muhim xizmetlerni ishlishini telep qildi.

istanbul türkiye, qatar we b d t ning birlikte riyasetchilikide 24-apréldin 4-mayghiche afghanistandiki tereplerning qatnishishi astida échilidighan yuqiri sewiyelik we keng dairilik bir konféransqa sahibxanliq qilidu.