tésla aptomobili bir derexke soqulup ketti
amérikaning téksas ishtatida aptomatik halda méngiwatqan tésla aptomobilining qatnash weqesige uchrishi sewebidin ikki kishi jénidin ayrildi.
türkiye awazi radiyosi xewiri: amérikaning téksas ishtatida aptomatik halda méngiwatqan tésla aptomobilining qatnash weqesige uchrishi sewebidin ikki kishi jénidin ayrildi.
bildürülishiche, shopur bolmighan we aldidiki orun bilen keynidiki orunda birdin ikki kishi olturghan tésla aptomobili, bir derexke soqulghan we arqidin ot ketken. weqede ikki kishi jénidin ayrilghan. aptomobilning batariyeliri dawamliq köygenliki üchün otni öchürüshke töt saettin artuq waqit ketken.
mezkur weqe, tésla aptomobilliri üchün bixeterlik endishelirini peyda qildi.
amérika aptomobil bixeterliki agéntliqi yéqinqi künlerde yüz berge üch qatnash weqesini öz ichige alghan tésla aptomobillirigha munasiwetlik jemiy 27 qatnash weqesi üstide tekshürüshning bashlanghanliqini uqturghan idi.
téslaning yuqiri derijilik bashqurghuchisi élon mask (Elon Musk) 2021-yili yanwarda élan qilghan bayanatta, yéngi aptomatik aptomobil yumtalliridin zor paydigha érishishni ümid qiliwatqanliqlirini éytqan idi.
aptomatik aptomobil heydesh(self-driving) téxnikisining sodida muweppeqiyetke érishishi üchün bixeterlik endishelirini eng töwen sewiyege chüshürüshi kérekliki qeyt qilinmaqta.
