amérikada mushu ay ichide yüz bergen qoralliq hujumlarda 70 tin artuq kishi qaza qildi

türkiye awazi radiyosi xewiri: amérikada qoralliq hujumlargha munasiwetlik weqelerni küzitip, melumat toplaydighan «qoralliq zorawanliq arxipi» (GVA) namliq teshkilatining sanliq melumatlirida körsitilishiche, kowid-19 yuqumi mezgilidimu, amérikada qoralliq hujumlar töwenlimigen.

amérikida yil béshidin buyan 150 ke yéqin kolliktip qoralliq hujum (yeni, hujum qilghuchidin sirt kem dégende 4 kishige oq tekken qoralliq hujum) doklat qilinghan bolup, amérikida mushu bir ayliq mezgilde 45 qétim kolliktip qoralliq hujum yüz bergenliki ruyxetke élinghan. bu hujumlarda azdégendimu 72 kishi qaza qilip, 100 din artuq kishi yarilanghan.

amérika pirézidénti jo baydin qoral sétiwélishqa  cheklime qoyushni öz ichige alghan yéngi belgilimining palataning testiqidin ötüshi  heqqide chaqiriq élan qilghan bolup, shundaqtimu palatada bu heqte qanuniy belgilime chiqirishning tes ikenliki bildürülmekte.

amérikada 2019-yili 417 qétim kolliktip qoralliq hujum yüz bergen bolup we bultur bir yil ichide 600 din artuq hujum ruyxetke élinghan idi.