afghanistanda puqralarning ölüsh nisbitining %43.5 ige talibanlar jawabkar
afghanistanning sherqidiki nangarhar wilayitide yüz bergen qoralliq hujumda 8 puqra hayatidin ayrildi.
türkiye awazi radiyosi xewiri: nangarhar waliysi ziyaulheq amarxil élan qilghan bayanatida, kimliki namelum kishilerning wilayetke qarashliq saraché eli xan rayonidiki bir öyge qoralliq hujum qilghanliqini bildürdi.
ziyaulheq amarxil hujumda öydiki 8 puqraning öltürülgenlikini we hujum qilghuchilarning qéchip ketkenlikini uqturdi.
hujumning jawabkarliqini téxiche héch qaysi terep öz üstige almidi.
birleshken döletler teshkilatining afghanistandiki yardem guruppisi (UNAMA) 14-aprilda élan qilghan bayanatida, afghanistanda 2021-yilining birinchi peslide 573 puqraning öltürülgenlikini bildürgen idi.
bayanatta, puqralarning ölüsh nisbitining bulturqi oxshash mezgilge sélishturghanda %29 ashqanliqi, bu ölüsh nisbitining %43.5 ige talibanning jawabkar ikenliki, %17 ige hökümetni qollaydighan guruppilarning jawabkar ikenliki, térorluq teshkilati daéshning bolsa, %5 ige jawabkar ikenliki we qalghan qismigha döletni qollaydighan guruppilarning jawabkar ikenliki otturigha qoyulghan idi.
afghanistanda zorawanliqning axirilishishi üchün tinchliq tirishchanliqliri dawamlashmaqta.
