ئافغانىستاندا پۇقرالارنىڭ ئۆلۈش نىسبىتىنىڭ %43.5 ىگە تالىبانلار جاۋابكار

تۈركىيە ئاۋازى رادىيوسى خەۋىرى: نانگارھار ۋالىيسى زىيائۇلھەق ئامارخىل ئېلان قىلغان باياناتىدا، كىملىكى نامەلۇم كىشىلەرنىڭ ۋىلايەتكە قاراشلىق ساراچې ئەلى خان رايونىدىكى بىر ئۆيگە قوراللىق ھۇجۇم قىلغانلىقىنى بىلدۈردى.

زىيائۇلھەق ئامارخىل ھۇجۇمدا ئۆيدىكى 8 پۇقرانىڭ ئۆلتۈرۈلگەنلىكىنى ۋە  ھۇجۇم قىلغۇچىلارنىڭ قېچىپ كەتكەنلىكىنى ئۇقتۇردى.

ھۇجۇمنىڭ جاۋابكارلىقىنى تېخىچە ھېچ قايسى تەرەپ ئۆز ئۈستىگە ئالمىدى.

بىرلەشكەن دۆلەتلەر تەشكىلاتىنىڭ ئافغانىستاندىكى ياردەم گۇرۇپپىسى (UNAMA)   14-ئاپرىلدا ئېلان قىلغان باياناتىدا،  ئافغانىستاندا 2021-يىلىنىڭ بىرىنچى پەسلىدە 573 پۇقرانىڭ ئۆلتۈرۈلگەنلىكىنى بىلدۈرگەن ئىدى.

باياناتتا، پۇقرالارنىڭ ئۆلۈش نىسبىتىنىڭ بۇلتۇرقى ئوخشاش مەزگىلگە سېلىشتۇرغاندا %29 ئاشقانلىقى، بۇ ئۆلۈش نىسبىتىنىڭ %43.5 ىگە تالىباننىڭ جاۋابكار ئىكەنلىكى، %17 ىگە ھۆكۈمەتنى قوللايدىغان گۇرۇپپىلارنىڭ جاۋابكار ئىكەنلىكى، تېرورلۇق تەشكىلاتى دائېشنىڭ بولسا، %5 ىگە جاۋابكار ئىكەنلىكى ۋە قالغان قىسمىغا دۆلەتنى قوللايدىغان گۇرۇپپىلارنىڭ جاۋابكار ئىكەنلىكى ئوتتۇرىغا قويۇلغان ئىدى.

ئافغانىستاندا زوراۋانلىقنىڭ ئاخىرىلىشىشى ئۈچۈن تىنچلىق تىرىشچانلىقلىرى داۋاملاشماقتا.