amérikada saqchi zorawanliqi qayta küntertipke keldi

türkiye awazi radiyosi xewiri: chikago sheher bashliqi lori laytfut (Lightfoot) axbarat élan qilish yighinida, 29-mart (2021) yüz bergen weqening widéo körünüshini körsetti.

widéoda, saqchi qarangghu bir kochida «toxta» déginiche qéchiwatqan bir balini qoghlaydu, bala toxtighandin kéyin «qolungni kötür, uni yerge tashla, yerge tashla» dep warqiraydu. bala qolini kötürginide qoral awazi bilen yerde yatqanliqi körünidu.

weqening chikagoning littl wilij (Little Village) mehelliside yüz bergenliki we étip öltürülgen balining 13 yashliq adam toléda ikenliki bildürüldi.

teptish idarisi qoral awazi anglanghandin kéyin saqchining neq meydangha barghanliqi, tolédaning qolida qoral barliqi we qéchishqa urunghanliqini qeyt qildi.

toléda ailisining adwokati adéna wéyis ortiz (Adeena Weiss Ortiz) widéoda, adam tolédaning «toxta, qolungni kötür» dégen buyruqigha boysunuwatqanda köksidin étip öltürülgenlikini ilgiri sürüldi.

tolédani étip öltürgen saqchining 34 yashliq érik i. stilmen (Eric E. Stillman) ikenliki we weqedin kéyin 30 kün ruxset alghanliqi bildürüldi.

toléda étip öltürülgen widéo körsitilgendin kéyin, taratqularda zor naraziliq qozghidi. chikago sheher bashliqi laytfut weqe sewebidin puqralargha «xatirjemlik we tinchliq» chaqirqi qildi.