blinkén: afghanistandin chet el küchliri chékinse tekrar ichki urush yüz bermeydu
amérika qoshma ishtatliri tashqi ishlar ministiri antoni blinkén chet el küchliri afghanistandin chékingen haman tekrar ichki urush yüz bermeydighanliqini éytti.
türkiye awazi radiyosi xewiri: blinkén, dölet ishliri ziyaritide bolush üchün yétip barghan afghanistanda élan qilghan muxbirlarni kütüwélish yighinida bergen bayanatida, afghanistan xelqining urushni xalimaydighanliqini, jümlidin hemme terepning tinchliqni xalaydighanliqini éytti.
afghanistanda hökümet küchlirini qollashni dawamlashturidighanliqlirini tekitligen blinkén, talibanning, mesililerni hel qilish üchün siyasiy basquchlarni terk étishining esla toghra we dawamlashturushqa bolidighan yol emeslikini bilishi lazimliqini qeyt qildi.
u, amérika qoshma ishtatliri qisimliri afghanistandin chékingendin kéyinmu afghanistangha dawamliq yardem béridighanliqlirini eskertish bilen bir waqitta, chet el küchliri dölettin chékinip chiqip ketkendin kéyin, 1990 – yillardikige oxshash ichki urushning yüz bermeydighanliqini, shunga bu heqte héchkimning endishe qilmasliqi kéreklikini tekitlep mundaq dédi: «eger taliban bizning eskerlirimizge tekrar hujum qilishqa urunsa, bizning talibangha qayturidighan jawabimiz intayin éghir bolidu.»
