iran: wiyénna yighinida ilgirilesh hasil qilinalmisa, söhbetlerge xatime bérimiz

türkiye awazi radiyosi xewiri: iran, amérika qoshma ishtatlirining keng dairilik ortaq heriket pilani, dep atilidighan yadro kélishimige qaytish mesilisi muzakire qiliniwatqan wiyénna yighinida ilgirilesh hasil qilinalmighan teqdirde, söhbetlerge xatime béridighanliqini uqturdi.

iran muawin tashqi ishlar ministiri abbas araqchi iran dölet dölet téléwiziyesige «wiyénna yighini» toghrisida bayanat bérip: «ikki kündin buyan heyetler ara qoyuq uchrishishlar ötküzüldi. ortaq komitét yighini bügün yene bir qétim resmiy bashlinidu» dédi.

u söhbetlerning yüzeki bolmasliqi kéreklikige isharet qilip: «eger söhbetlerde berpachi ilgirilesh hasil qilinsa, dawamlashturimiz. eksiche bolghanda, uninggha xatime bérimiz» dégenlerni qeyt qildi.

yawropa ittipaqi, xitay, firansiye, gérmaniye, rusiye we engliye bilen iranning yuqiri derijilik emeldarliri amérika qoshma ishtatlirining yadro kélishimige qaytip kélishi, irangha yürgüzülüwatqan émbargolarning bikar qilinishi we kélishimning toluq ijra qilinishi mesililiri toghrisida awstriyening paytexti wiyénna söhbet ötküzmekte.

terepler, birinchi qétim 6 – aprél wiyénnada körüshüp söhbet ötküzgenidi.