йеңи зеландийә хитайға чарвиларни деңиз арқилиқ експорт қилишни чәклиди
министир оконнор йеңи зеландийәниң әң чоң сода шерики вә асаслиқ тирик кала сетивалғучиси болған хитайға бу чәклимә һәққидә уқтуруш қилинғанлиқини, бирақ хитайдин техичә җаваб алалмиғанлиқини әскәртти.
түркийә авази радийоси хәвири: йеңи зеландийә һайванларниң бихәтәрликигә даир әндишә сәвәбидин, чарвиларниң деңиз арқилиқ експорт қилинишини чәклиди.
йеңи зеландийә йеза игилик министири дамен оконнор кала вә башқа чарвиларни експорт қилиш тоғрисида һазирқи мәвҗут келишимләр түпәйлидин бу чәклиминиң толуқ иҗра қилинишиға икки йил вақит кетидиғанлиқини билдүрди.
оконнор дөләтниң инавитиниң һәр қандақ иқтисадий мәнпәәттин үстүн туридиғанлиқини тәклитләп, йеңи зеландийә деңиз қирғақлиридин өткәндин кейин бу һайванларниң бихәтәрликигә капаләтлик қилишқа һазирчә амал йоқлиқини уқтурди.
министир оконнор йеңи зеландийәниң әң чоң сода шерики вә асаслиқ тирик кала сетивалғучиси болған хитайға бу чәклимә һәққидә уқтуруш қилинғанлиқини, бирақ хитайдин техичә җаваб алалмиғанлиқини әскәртти.
чәкләш қарариниң хитай һөкүмити билән мунасивити йоқлиқини тәкитлигән оконнор, буниң һайванларниң бихәтәрликигә мунасивәтлик икәнликини ейтти.
2020-йили 5800 калини елип хитайға маңған парахот йапонийәгә йеқин җайда чөкүп кәткән вә 40 тин артуқ парахот хадими қаза қилғандин кейин, йеңи зеландийә һөкүмити бу хил експортни содисини тоңлатқан иди.
