америка 11 - сентәбиргичә афғанистандин әскәр чекиндүридиғанлиқини билдүрди

түркийә авази радийоси хәвири: америка ташқи ишлар министири антони блинкен, 11- сентәбиргичә американиң афғанистандин әскәр чекиндүридиғанлиқини билдүрди вә бу мәсилини бүгүн шималий атлантик окйан әһди тәшкилати – натодики иттипақдашлири билән музакирә қилидиғанлиқини ейтти.

антони блинкен белгйәниң пайтәхти бирйусселдики нато баш иштабида нато баш катипи йенс столтенберг билән өткүзидиған учришишидин бурун байанат берип, америка вә униң бир қисим иттипақдашлириниң буниңдин 20 йил илгири йүз бәргән 11- сентәбир терорлуқ һуҗумидин кейин афғанистанға барғанлиқини әслитип өтти.

«биз афғанистандики нишанимизға йәттуқ, һазир әскәрлиримизни қайтуруп келиш пәйти кәлди» дегән блинкен, америка пирезиденти җо байдинниң бир нәччә саәттин кейин чекиниш тоғрисида байанат елан қилидиғанлиқини, өзиниңму натодики иттипақдашлири билән бу мәсилини музакирә қилидиғанлиқини билдүрди.

блинкен, афғанистанға бирликтә бериш вә бирликтә қайтиш пиринсипини баштила бекиткәнликлиригә ишарәт қилип: «кәлгүси бир нәччә һәптә вә нәччә ай ичидә (шималий атлантик әһди тәшкилатидики иттипақдашлиримиз билән) афғанистандин әскәрлиримизни бихәтәр вә мас қәдәмдә чекиндүрүш мәсилисидә йеқиндин һәмкарлишимиз» дегәнләрни қәйт қилди.

у, русийәниң украина вә униң әтрапиға әскәр орунлаштурушиға мунасивәтлик мәсилиләрниңму бүгүнки нато йиғинида музакирә қилинидиғанлиқини ейтти.

нато баш катипи йенс столтенберг, русийәниң әскәр орунлаштурушидин әнсирәватқанлиқини, кремил сарийиниң бу ишни уни тездин тохтитип, иғвагәрчиликни түгитип, җиддийликни пәсәйтиши керәкликини ейтти.