вийеннадики иран йадро келишими йиғини кечиктүрүлди
бу һәптә австирийә пайтәхти вийеннада өткүзүлидиған иран йадро келишими йиғини бир күн ахирлашти.
түркийә авази радийоси хәвири: русийәниң б д т дики вийенна ишханиси даимий вәкили михаил олйанов твиттерда байанат елан қилип, кәң даирилик ортақ һәрикәт пилани ортақ комитетиниң вийеннада өткүзүлидиған йиғининиң бир күн кечиктүрүлгәнликини, учришишларниң 15-апрелда өткүзүлидиғанлиқини билдүрди.
у: «комитет илгирики мәсилиләргә қошумчә қилип, иранниң йадро саһәсидики йеңи қәдәмлири вә буниңға саплиқи %60 болған уран қойулдуруш мәсилилириму музакирә қилиниду» деди.
вийеннада өткән һәптә өткүзүлгән учришишлар нәтиҗисидә, иранға қарши йүргүзүлгән ембарголарниң әмәлдин қалдурулуши қарар қилинған иди.
учришишларда, америка билән иранниң йадро келишимигә толуқ бойсунушини капаләткә игә қилиши үчүн, икки мутәхәссис гуруппа тәшкилләш, бу һәқтә һәм мутәхәссис гуруппиларниң һәмдә келишимгә тәрәп дөләтләр вәкиллириниң учришишларни давамлаштуруш мәқситидә бир йәргә болуши қарар қилинған иди.
