русийә американи афғанистандики армийәсини балдуррақ чекиндүрүшкә чақирди
русийә пирезиденти виладимир путинниң афғанистан алаһидә вәкили замир кабулов, «американиң афғанистандики армийәсиниң чекинишини кечиктүрүш пилани афғанистанниң тинчлиқ мусаписини мурәккәпләштүрүветиду» деди.
түркийә авази радийоси хәвири: замир кабулов русийәниң рийа хәвәр агентлиқиға байанат берип, американиң афғанистандики әскәрлирини 11-сентәбирдин илгири чекиндүрүш пилани үстидә тохталди һәмдә 2020 -йили 29-февралда қатарниң пайтәхти доһада америка билән талибанлар оттурисида тинчлиқ келишиминиң имзаланғанлиқини әскәртти.
замир кабулов «бу тинчлиқ мусаписини мурәккәпләштүрүветиду, чүнки бу америка билән талибан оттурисидики келишимгә очуқ хилаплиқ қилғанлиқтур» деди.
талибанларниң американиң бу қәдәмлиригә қарши чиққанлиқини тәкитлигән замир кабулов, «америкалиқ хизмәтдашлиримиз өзлири келишим түзгән талибанға буни изаһлиши керәк болиду. келишимләр иҗра қилиниши лазим» деди.
مۇناسىۋەتلىك خەۋەرلەر
полша: земинимизға йадро қораллирини орунлаштурушқа тәййармиз
полша өз земиниға йадро қораллирини орунлаштурушқа тәййар икәнликини билдүрди.
