رۇسىيە قارادېڭىزدا ھەربىي مانېۋىر ئۆتكۈزۈشنى باشلىدى

تۈركىيە ئاۋازى رادىيوسى خەۋىرى: ھەر قايسى خەۋەر ئاگېنتلىقلىرى، مانېۋىرغا رۇسىيەنىڭ قىرىمدىكى قارادېڭىز فىلوسىنىڭ پاراخوتلىرى بىلەن تىك ئۇچار ئايروپىلان ۋە ئايروپىلان ئاتارلىرىنىڭ قاتناشتۇرۇلغانلىقىنى خەۋەر قىلدى.

ئىگىلىنىشىچە، مانېۋىردا قۇرۇقلۇق ۋە ھاۋادىكى نىشانلارغا زەربە بېرىش مەشقى ئىشقا ئاشۇرۇلىدىكەن.

بىر قانچە كۈن ئىلگىرى ئامېرىكا قوشما ئىشتاتلىرى ئىككى ئۇرۇش پاراخوتىنى قارادېڭىزغا ئورۇنلاشتۇرۇش ئۈچۈن رايونغا ئەۋەتكەنلىكىنى ئۇقتۇرغانىدى.

ئامېرىكانىڭ مەزكۇر قەدىمى رۇسىيەنىڭ ئۇكرائىنا چېگراسىغا ئەسكەر توپلاشقا باشلىدىن كېيىن تاشلانغانىدى.

رۇسىيە تاشقى ئىشلار مىنىستىرى ياردەمچىسى سېرگېر ريابكوۋ، ئامېرىكانىڭ قارادېڭىزغا ئۇرۇش پاراخوتى ئەۋەتىشىگە «ئىغۋاگەرچىلىك» دەپ باھا بەرگەنىدى.