amérikada dölet ichi térrorluq we zorawanliq weqeliride zor derijide ashti

türkiye awazi radiyosi xewiri: «washingiton pochta géziti» ning xelqara istratégiyelik tetqiqat merkizi (CSIS) teripidin hazirlanghan sanliq analizda, dölet ichi térrorluq we zorawanliq weqeliride aldinqi charek esirde chong éshish körülgenliki, bularning köpinchisi ongchillar arisidiki aq tenliklerning üstünlikige ishinidighan, musulmanlargha öch, hökümetke qarshi we radikalliqni qollaydighan ashqunlar teripidin tughdurulghan weqeler ikenliki bildürüldi.

analizda dölet ichi térorluq weqelirining 2020-yili eng yuqiri pellige yetkenliki tekitlinip, «sanliq melumatlardin ayan bolushiche, 2015-yildin buyan ongchillar qilghan 267 qétimliq hujumda 91 kishi qaza qilghan. emma radikal solchilar tughdurghan 66 qétimliq hujum we suyiqest weqeliride 19 kishi qaza qilghan» déyildi.

analizda, yéqinqi 6 yilda jamiler, yehudi ibadetxaniliri we afriqaliqlarning chérkawlirini öz ichige alghan on nechche diniy organ we hökümet binasigha ot qoyup bérilgenliki, bomba étilghanliqi yaki ongchil guruppilarning qoralliq hujumigha uchrighanliqi, solchil guruppilardiki heriketlinishning bolsa, 2020-yili mayda jorj floyidning saqchisi teripidin nazaretke élinish jeryanida öltürülishi bilen yuqiri pellige chiqqanliqi bildürüldi.

analizda,  6-yanwarda ongchil guruppilarning amérika dölet mejlisi binasigha bésip kirishining bolsa, amérika xelqining dölet ichi térrorluq we nepretni asas qilghan zorawanliq weqelirige téximu bek qiziqishigha seweb bolghanliqi tekitlendi.

ijtimaiy taratqularning zorawanliq we térorluqning tarqilishidiki rolighimu alahide diqqetni tarqan analizda yene, yéqinqi yillardin buyan köchmenlerge qaritilghan hujmlarda köpiyish bolghanliqi tekitlinip, 2015-yildin buyan köchmenlerge qaritilghan 15 qétimliq hujumda 27 kishining qaza qilghanliqi we onlighan kishining yarilanghanliqi uqturuldi.