تۋىتتېر ئافرىقادىكى تۇنجى ئىش بىجىرىش ئورنىنى گانادا ئاچىدۇ

تۈركىيە ئاۋازى رادىيوسى خەۋىرى: تۋىتتېرنىڭ باش ئىجرائىيە ئەمەلدارى جەك دورسېي ئۆزىنىڭ تىۋىتتېر ئادرېسىدا بايانات ئېلان قىلىپ: «تىۋىتتېر ھازىر چوڭ قۇرۇقلۇق (ئافرىقا)تا بار. مەن گانا ۋە نانا ئاكۇفو - ئەدوغا رەھمەت ئېيتىمەن» دېگەنلەرنى قەيت قىلدى.

گانا پىرېزىدېنتى نانا ئاكۇفو-ئەدو، تۋىتتېرنىڭ گانانى ئافرىقا مۇلازىمەتلىرىنىڭ مەركىزى قىلىپ تاللىغانلىقىغا يۇقىرى باھا بېرىپ، بۇ ناھايىتى خۇشاللىنارلىق خەۋەر، دېدى.

ئاكۇفو-ئەدو، ھۆكۈمەت ۋە ئاممىنىڭ بۇ ئېلاننى ۋە گاناغا بولغان ئىشەنچنى قىزغىن قارشى ئالىدىغانلىقىنى ئوتتۇرىغا قويدى.