hesen ruhani rusiye tashqi ishlar ministiri lawrowni huzurida qobul qildi

türkiye awazi radiyosi xewiri: iran pirézidéntliq mehkimisi hesen ruhanining rusiye tashqi ishlar ministiri sérgéy lawrowni huzurida qobul qilghanliqi toghrisida bayanat élan qildi.

bayanatqa asaslanghanda, rusiye tashqi ishlar ministiri sérgéy lawrowni paytext enqerede huzurida qobul qilghan hesen ruhani, yadro kélishimidiki tutqan pozitsiyesi munasiwiti bilen rusiyeni alqishlighan.

u: «amérika we pütkül dunya eng qattiq bésim qilish siyasitining muweppeqiyetsiz bolghanliqi toghrisida xulasige keldi. amérikaning yadro kélishimige qaytip kélishining birdinbir yoli émbargolarning emeldin qaldurulushidur. munasiwetlirimizning we otturidiki weziyetning 2015-yilida bérilgen wedilerge we kélishimge qaytishni xalaymiz. terepler kélishim jeryanida bergen wedilirige emel qilishi kérek. biz buningdin azni qobul qilmaymiz, shundaqla buningdin jiqqa érishishning piyidimu emes» dégen.

rusiye tashqi ishlar ministiri sérgéy lawrow: «moskwaning qarishiche mesilini hel qilishning birdinbir yoli amérikaning shertsiz halda yadro kélishimige qaytip kélishi we bergen wedilirige emel qilishidur» dégen.

lawrow téhran ziyariti dairiside, iran tashqi ishlar ministiri jewad zarif bilen körüshüp, téhran bilen moskwa otturisidiki uzun muddetlik hemkarliq kélishimi, yadro kélishimi we émbargolar qatarliq rayonluq hemde xelqaraliq mesililerni muzakire qilghan idi.

körüshüshtin kéyin, ikki dölet otturisida medeniyet sahesi boyiche bir kélishim we biyologiyelik xewpsizlik sahesi boyiche bir kélishim imzalanghan idi.