dunya boyiche eng chong toshqan oghrilandi
boyi 129 santimétir kélidighan we dunya boyiche eng chong toshqan bolush süpiti bilen 2010-yili jinnés rékortigha kirgen, 10 yashliq «darius»isimlik toshqan engliyediki öyining béghidin oghrilap kétildi.
türkiye awazi radiyosi xewiri: engliyening worchéstérshir rayonigha qarashliq stolton shehiride yashaydighan sabiq modél annétté édwards «darius» ning öyining béghidin oghrilanghanliqini élan qildi.
édwards: «bu tolimu qayghuluq bir kün boldi» dédi we «darius» ni élip kelgen kishige 1000 fondstérling mukapat béridighanliqini élan qildi.
édwards tiwittérda toshqanni élip qachqanlargha xitab qilip, «ötünüp qalay uni ekilip béringlar, u alliburun qérip ketken bir toshqan, köpeymeydu» dédi.
édwards toshqanning oghrilinidighanliqi toghrisidiki texminlirinimu tilgha élip, «etrapta hesetxorlar bek köp, bu ishning arqisida kimning barliqi heqqide shübhilirim bar. choqum aldin bilidighan birsi bolushi kérek. oghrilar rishatkidin ötüp, dariusning kepe öyini échip, uni bixeter halda rayonidin élip kétishti. biz oghrilarning perez qilishini qiyinlashturush üchün daim dariusning kepisining ornini almashturup turattuq. emma néme qilghanliqimizni bilidighan birsi bolishi mumkin. zakaz qilip oghrilatquzuldi» dédi.
