дунйа бойичә әң чоң тошқан оғриланди
бойи 129 сантиметир келидиған вә дунйа бойичә әң чоң тошқан болуш сүпити билән 2010-йили җиннес рекортиға киргән, 10 йашлиқ «дариус»исимлик тошқан әнглийәдики өйиниң беғидин оғрилап кетилди.
түркийә авази радийоси хәвири: әнглийәниң ворчестершир райониға қарашлиқ столтон шәһиридә йашайдиған сабиқ модел аннетте едвардс «дариус» ниң өйиниң беғидин оғриланғанлиқини елан қилди.
едвардс: «бу толиму қайғулуқ бир күн болди» деди вә «дариус» ни елип кәлгән кишигә 1000 фондстерлиң мукапат беридиғанлиқини елан қилди.
едвардс тивиттерда тошқанни елип қачқанларға хитаб қилип, «өтүнүп қалай уни әкилип бериңлар, у аллибурун қерип кәткән бир тошқан, көпәймәйду» деди.
едвардс тошқанниң оғрилинидиғанлиқи тоғрисидики тәхминлириниму тилға елип, «әтрапта һәсәтхорлар бәк көп, бу ишниң арқисида кимниң барлиқи һәққидә шүбһилирим бар. чоқум алдин билидиған бирси болуши керәк. оғрилар ришаткидин өтүп, дариусниң кәпә өйини ечип, уни бихәтәр һалда районидин елип кетишти. биз оғриларниң пәрәз қилишини қийинлаштуруш үчүн даим дариусниң кәписиниң орнини алмаштуруп тураттуқ. әмма немә қилғанлиқимизни билидиған бирси болиши мумкин. заказ қилип оғрилатқузулди» деди.
