samih shükri: misir türkiye bilen bolghan munasiwetlerni yaxshilashni xalaydu
misir tashqi ishlar ministiri samih shükri, türkiye bilen her ikki döletke paydiliq shekilde dialog we xelqara qanungha uyghun munasiwetlertning ornitilishini xalaydighanliqini bildürdi.
türkiye awazi radiyosi xewiri: samih shükri, türkiye tashqi ishlar ministiri mewlut chawushoghlu bilen élip barghan téléfon söhbiti heqqide yerlik téléwiziye qaniligha bayanat bérip, türkiyening yéqinqi mezgildiki bayanatliri we tashlighan qedemlirini qedirleydighanliqini éytti.
samih shükri siyasiy körsetküch jehettin munasiwetlerning ramkisini belgileydighan siyasiy échiwétish basquchigha ötüshke alahide ehmiyet béridighanliqini bildürüp, mewlut chawushoghlu bilen ramizan éyining kélishini tebriklesh üchün téléfonlashqanliqini éytti.
samih shükri türkiyening misirning ehmiyitige alaqidar bayanatliri we bergen signalliri üstide söhbet ötküzgenlikini eskertip, «misir her ikki terepke paydiliq bolidighan dialog ornitishni shundaqla özara menpeetlirige ziyan yetküzmestin, xelqara qanungha uyghun munasiwet ornitishni xalaydu» dédi.
samih shükri kéreklik asas shekillengende , buni siyasiy yighin sheklide muzakirilishishke ehmiyet béridighanliqini bildürdi.
türkiye tashqi ishlar ministiri mewlut chawushoghlu 10-aprélda ramizan éyini tebriklesh üchün misir tashqi ishlar ministiri samih shükri bilen téléfonda körüshken idi.
