xitay we rusiye waksinasi chéxiyede ikki ministirning wezipisidin élip tashlinishigha seweb boldi

türkiye awazi radiyosi xewiri: chéxiyede xitay we rusiye waksinasini qollimighan tashqi ishlar ministiri tomas pétrichékning wezipsiidin élip tashlanghanliqi hemmining diqqitini tartti.

tomas pétrichék élan qilghan bayanatida, birleshme hökümet shérikliridin chéxiye ijtimaiy démokratlar partiyesining rehbiri zhan xamajék bilen körüshkenlikini we xamajékning uninggha wezipisidin élip tashlanghanliqini uqturghanliqini éytti.

pirézidént milosh zéman aldinqi bayanatida, tomas pétrichékning xitay we rusiye waksinasini qollimighanliqini hemde dukowani yadro istansisini kéngeytish pilanigha munasiwetlik höddigerlikke rusiyening qatnishishini tosmaqchi bolghanliqini, shunga uninggha naraziliq bildürgenlikini tekitlep, tomas pétrichékning wezipsiidin élip tashlinishi üchün özining bash ministirgha chaqiriq élan qilghanliqini uqturghan idi.

chéxiye metbuatlirining yene bashqa xewerlirige asaslanghanda, tomas pétrichék «CSSD» qurultiyida pirézidént kandidati bolghan bolup, hazirqi pirézidént xamachékni qattiq tenqid qilghanliqi üchün wezipisidin élip tashlanghan.

chéxiyede xitay we rusiye waksinasi talash - tartishi sewebidin aldinqi hepte sehiye ministirimu wezipsiidin élip tashlanghan idi.