donbasta bir ukraina eskiri jénidin ayrildi
ukrainaning sherqidiki donbas rayonida rusiyeperes bölgünchilerning oq chiqirishi netijiside bir ukraina eskiri jénidin ayrildi.
türkiye awazi radiyosi xewiri: ukraina armiyesi bayanat élan qilip, yawropa xewpsizlik we hemkarliq teshkilati mesullirigha bu heqte melumat yetküzülgenlikini bildürdi.
bayanatta, donbas rayonida rusiyeperes bölgünchiler atqan oqta, bir ukraina eskirining jénidin ayrilghanliqi qeyt qilindi.
ukraina armiye ishtab bashliqi ruslan homchak 30-mart élan qilghan bayanatida, rusiyening manéwirni bahane qilip ukraina chégrasi etrapigha esker yötkigenlikini eskertken idi.
rusiye, ukraina, yawropa xewpsizlik we hemkarliq teshkilatidin teshkillengen uch terep, 2020-yili 27-iyuldin bashlap keng kölemlik urush toxtitishni qarar qilghan idi.
rayonda namda musteqilliqini élan qilghan rusiyeperes bölgünchiler bilen kiyéw hökümiti otturisida 2014-yilidin tartip dawamlishiwatqan toqunushlarda 13 mingdin artuq kishi jénidin ayrildi.
