amérika rusiyening ukraina chégrasigha esker orunlashturushini eyiblidi

türkiye awazi radiyosi xewiri: amérika mudapie ministirliqi bayanatchisi kirbi kündilik muxbirlarni kütüwélish yighinida söz qilip, rusiyening ukrainaning sherqiy chégrasigha esker orunlashturushini eyiblidi.

kirbi moskwaning muddiasini ochuq- ashkara otturigha qoymighanliqini bildürüp, u yerge herbiylerni orunlashturushning kishini endishige salidighanliqini we buning rayonning muqimliqigha töhpe qoshidighan qedem emeslikini otturigha qoydi.

rusiyening rayonda peyda qiliwatqan tehditini nezerge éliwatqanliqlirini bildürgen kirbi, rusiyening ukraina chégrasigha esker orunlashturushi toghrisida toxtilip: «bu nahayiti chong yighilish, bu biz 2014- yilidin buyan körgen eng chong (esker) yighish» dédi.