yawropa – aqdéngiz kishilik hoquq teshkilati nétanyahugha naraziliq bildürdi

yawropa – aqdéngiz kishilik hoquq teshkilati israiliye bash ministiri bényamin nétanyahuning israiliye üstidin tekshürüsh élip bérish hoquqi bolmighan xelqara jinayi ishlar soti bilen hemkarlashmaydighanliqigha alaqidar bayanatlirigha naraziliq bildürdi.

1617838
yawropa – aqdéngiz kishilik hoquq teshkilati nétanyahugha naraziliq bildürdi

türkiye awazi radiyosi xewiri: yawropa – aqdéngiz kishilik hoquq teshkilati teripidin bu heqte élan qilinghan bayanatta, mundaq déyildi: «israiliye bu qararni, özining urush jinayiti we insaniyetke qarshi jinayet shekillendüridighan kishilik hoquq depsendichiliklirini sadir qilghanliqini bilgeniliki üchün chiqardi, xelqaraliq tekshürüshler mesiliside  hemkarlashmasliq qarari, mesuliyettin qéchishning namayendisidur.»

xelqara jinayi ishlar sot mehkimisidin, héchqandaq bésimgha bash egmeslik we tekshürüshni bashlash telep qilinghan bayanatta, yawropa ittipaqi döletlirige xelqara jinayi ishlar sot mehkimisining tekshürüshini qollash we tekshürüshtin orun alidighan adwokatlar, guwahchilar we ammiwi teshkilatlarning paaliyetchilirini qoghdash telep qilindi.

israiliye bash ministiri bényamin nétanyahuning, dölet mudapie ministiri bénni gantiz, bash teptish awichay mandélblit we dölet bixeterlik teshkilatining yuqiri derijilik mesulliri bilen 8 – aprél küni chaqirilghan yighinda, xelqara jinayi ishlar sot mehkimisining teptishi fatu bénsudagha, uning israiliye üstidin tekshürüsh bashlash hoquqi yoqluqini we israiliyening xelqara jinayi ishlar sot mehkimisi bilen bu jehette hemkarlishishni ret qilidighanliqini bildürüsh qarar qilinghanidi.



مۇناسىۋەتلىك خەۋەرلەر