wénézuéla amérika bilen engliyedin qamaldiki bayliqlirini qoyup bérishini telep qildi

wénézuéla, wuxen wirusi (kowid – 19) waksinisi sétiwélish üchün engiliye we amérikadin tonglitilghan altun zapisi we banka hésabatini erkin qoyup bérishni telep qildi.

1617793
wénézuéla amérika bilen engliyedin qamaldiki bayliqlirini qoyup bérishini telep qildi

türkiye awazi radiyosi xewiri: wénézuéla diplomatiye ministiri jorjé arréza twittérdiki adrési arqiliq bayanat élan qilip, dölitining chet elde qamal qiliwélinghan bayliqlirining erkin qoyuwétilishini telep qilip: «waksina sétiwélinishi üchün imbargolar bikar qilinishi we milyardlarche dollardin kem dégende 300 milyon dollar qoyup bérilishi kérek. biz buningdin ilgiri buni telep qilghan bolsaqmu, ne amérika, ne engiliye telipimizge ijabiy jawab qayturmidi» dédi.

wénézuélada nikolas maduro hökümiti bilen öktichiler 21- martta bayanat élan qilip, özlirining kowid -19 waksinisi sétiwélish toghrisida kélishim hasil qilghanliqini jakarlighanidi.

wénézuélaning engiliye merkiziy bankisidiki altunining qimmitining 930 milyon yawrogha yétidighanliqi mölcherlenmekte.

amérika émbargosi sewebidin iqtisadiy qiyinchiliqqa duch kelgen wénézuélaning saghlamliq sistémisining yuqumgha taqabil turalmasliqidin endishe qilinmaqta.

wénézuéla hökümiti, birinchi qétim 2018- yilining axirida engliye merkizi bankisidin qamal qiliwalghan altunlirini qoyup bérishni telep qilghanidi.

banka 2019- yili 1- ayda bu telepni ret qilghan bolsimu, emma shu ayda özini waqitliq pirézidént dep jakarlighan xuan güaydo bu altunlarning maduro hökümitige bérilmeslikini telep qilghanidi.

pirézidént maduroni wezipisidin istépa bérishke mejburlash üchün jaza yürgüzgen amérika, bashqa döletler , chet el bankiliri we shirketlerni bu émbargolargha xilapliq qilmasliq toghrisida agahlandurdi.



مۇناسىۋەتلىك خەۋەرلەر