bulghariyede héchqaysi partiye hökümet qurush sanigha yételmidi
bulghariyede merkiziy saylam komitéti 4-aprél (2021) da ötküzülgen we qatnishish nisbiti %49.1 ke yetken parlamént saylimigha munasiwetlik resmiy netije élan qilindi.
türkiye awazi radiyosi xewiri: bulghariye merkiziy saylam komitéti 4-aprél ötküzülgen parlamént saylimining resmiy netijilirini élan qildi.
netijilerge asaslanghanda, 240 kishilik parlaméntta, bash ministir boyko borisow (Boyko Borisov) ning «bulghariyening yawropaliq tereqqiyati üchün yurtdashlar partiyesi» 75 orungha, slawi trifonow (Slavi Trifonov) ning «bundaq bir xelq bar partiyesi» 51 orungha ige bolghan.
parlaméntta, yiltizi kommunist bolghan rusiyeperes bulghariye sotsiyalist partiyesi 43, ezalirining köpinchisi türkler bolghan «heq-hoquq we erkinlikler herikiti partiyesi» 30 orungha ige bolghan.
bash ministir boyko borisowgha qarshi namayish heriketlirige bashchiliq qilghan ongchil «démokratik bulghariye partiyesi» 27 orungha we solchi «orningdin tur! magandalar chiqip ket!» partiyesi 14 orungha ige bolghan.
bildürülishiche, 6 milyon 789 ming 605 saylighuchi bolghan bulghariyede, 3 milyon 334 ming 283 kishi bélet tashlighan.
saylam netijisi bulghariyede héchqaysi siyasiy partiyening öz aldigha hökümet quralmaydighanliqini körsetmekte. yeni, yéngi kabéntning parlaménttin ishench awazi alalishi üchün, eng az dégende 121 parlamént ezasigha ige bolushi kérek.
2020-yilining otturilirida mafya bilen munasiwiti bar, dep eyiblinip xelq namayishliri bashlanghandin buyan axbarat bilen alaqisini üzgen bash ministir boyko borisow, resmiy netijilerni saqlimastin parlamént ezaliqidin waz kechkenlikini élan qildi.
u «alahide imtiyaz qalqini» gha éhtiyajining yoqluqini bildürüp, parlaméntqa kirgen bashqa partiyelerning ishench awazi üchün qollishigha érishelmeydighanliqini, parlaméntta eng chong guruppisi bolghan partiyesi namida quridighan hökümetning parlaménttin ötelmeydighanliqini ilgiri sürdi.
