әнглийә 30 йаштин төвәнләргә астра зенека ваксинисини әмләшни тохтитишни қарар қилди

әнглийә қан уйулушини кәлтүрүп чиқарғанлиқи илгири сүрүлүватқан оксфорд университети билән астра зенека ширкити бирлишип ишләпчиқарған ваксинисини 30 йаштин төвәнләргә әмлимәсликни қарар қилди.

1617010
әнглийә 30 йаштин төвәнләргә астра зенека ваксинисини әмләшни тохтитишни қарар қилди

түркийә авази радийоси хәвири: әнглийә дора вә сақлиқни сақлаш мәһсулатлирини назарәт қилип башқуруш оргини, оксфорд-астра зенека ваксинисиниң еғир кесәлликләрниң алдини елишта йәнила зор пайдиси барлиқини оттуриға қойди.

буниң билән бирликтә, 3- айниң 31- күнигичә 79 кишидә қан уйулуш пәйда қилғанлиқиниң билдүрүлгәнлики, мәзкур кишиләрниң 19 нәпириниң қаза қилғанлиқи билдүрүлгән байанатта, қанниң уйулушиға неминиң сәвәб болғанлиқиниң ениқлиналмиғанлиқи қәйт қилинди.

қан уйулуш аламити көрүлгән 51 нәпири айал, 28 нәпири әр болуп җәмий 79 кишиниң 18 йаш билән 79 йаш арилиқидики кишиләр икәнлики, қаза қилған 19 кишидин үчиниң 30 йаштин төвән икәнлики тәкитләнди.

қаза қилған 19 кишиниң 14 нәпириниң меңисидә, бәш нәпириниң томурлирида қан уйулуш көрүлгәнлики әскәртилди.

әнглийә дора вә сақлиқни сақлаш мәһсулатлирини назарәт қилип башқуруш оргининиң байанатидин кейин,  ваксина комитети, йашларда көрүлгән қан уйулуш сәвәбидин 30 йаштин төвәнләргә буниңдин кейин пифизер йаки модерна ваксинисиниң әмлинидиғанлиқини елан қилди.

байанатта, оксфорд-астра зенека ваксинисиниң биринчи қетимлиқини әмләткүзгәнләрниң охшаш ваксининиң иккинчи қетимлиқини әмләтсә болидиғанлиқи қәйт қилинди.

әнглийәдә һазирғичә 20 милйондин артуқ адәмгә астра зенека ваксинисиниң әмләнгәнлики билдүрүлмәктә.



مۇناسىۋەتلىك خەۋەرلەر