ruhani: amérikaning bésimi seweblik waksina sétiwélishimiz tosalghugha uchridi

türkiye awazi radiyosi xewiri: döletning her qaysi rayonliridiki qurulushi tamamlanghan uchur téxnikisi we yéngiliq yaritish türlirini xizmetke kirishtürüsh murasimigha sin körünüshlük ishtirak  qilghan  pirézidént ruhani, kowid - 19 ge qarshi yasalghan waksinilar we waksina sétiwélish jeryani toghrisida toxtaldi.

waksina sétiwélish üchün bir qatar qedemlerni tashlighanliqlirini, shundaqla yerlik waksina ishlepchiqirish xizmetliriningmu dawamlishiwatqanliqini bildürgen ruhani: «biz bir dölet bilen kélishim imzalighaniduq, amérikaliqlar buninggha tosqunluq qildi. irangha 10 milyon quta waksina ewetishi kütülüwatqan shirketlerge bésim qilip, ishlarni toxtitip qoydi. yerlik waksinilarni ishlepchiqirish we bazargha sélish tirishchanliqliri dawamlishiwatidu» dédi.

u, barliq döletlerning waksina mesilisige duch kelgenlikini bayan qilip, dunyadiki waksina ishlepchiqirishning yéterlik emeslikini, nöwettiki éhtiyajni qanduralmaydighanliqini sözlirige ilawe qildi.