boris jonson shimaliy irélandiyediki weqelerni eyiblidi
shimaliy irélandiyede ötken hepte ittipaq terepdarliri bilen bölgünchiler otturisida bashlanghan namayishlar izchil dawamlashmaqta.
türkiye awazi radiyosi xewiri: shimaliy irélandiye paytexti bélfastta bölgünchi sin féyin (Sinn Fein) partiyesi ezalirining bir depne murasimida wuxen wirusi(Kovid-19) tedbirlirige xilapliq qilishigha, ittipaqliq terepdarlirining naraziliq bildürüshi bilen ötken hepte bashlanghan namayishlar dawam qilmaqta.
engliyening yawropa ittipaqi bilen tüzgen ayrilish kélishimi boyiche, shimaliy irélandiye we birleshme padishahliqning bashqa jayliri otturisida sodigha cheklime qoyghan belgilimilermu yene bir seweb bolghan namayishlarda, bir aptobusqa ot qoyup bérildi, bir fotograf muxbiri hujumgha uchridi.
saqchilargha tash étip hujum qilghan ittipaq terepdarliri, bölgünchiler bilen toqunushti. weqelerde nurghun saqchi yariandi.
weqelerning ikki terep ayrilghan we «tinchliq témi» dep atilidighan shenkil (Shankill) yoli etrapida yüz bergenliki qeyt qilindi.
engliye bash weziri boris jonson yüz bergen weqelerni eyiblep twittérda élan qilghan bayanatida: «shimaliy irélandiyediki zorawanliq weqeliridin, bolupmu xelqni we mal-mülükni qoghdighan saqchilargha qilinghan hujumlardin, bir aptobusqa we bir muxbirgha qilinghan hujumdin intain qayghurdum» dédi.
u oishimasliqlarni hel qilish yolining zorawanliq emes, belki diyalog ikenlikini tekitlidi.
