birma bash elchisi öz dölitining elchixana binaisigha kirgüzülmidi

türkiye awazi radiyosi xewiri: zwar minn elchixana binasining sirtida muxbirlargha bayanat bérip, herbiy ishlargha mesul diplomatning elchixana xadimlirining binadin chiqip kétishini telep qilghanliqini bildürdi.

herbiy diplomatning özige «emdi döletke wekillik qilalmaydighanliqi»ni éytqanliqini bayan qilghan min, bu weqege «londonning merkizide yüz bergen kichik siyasiy özgirish» dep baha berdi.

bir elchixana xizmetchisining, elchixana binasi aldida mashinisida aram éliwatqan bash elchining kéchini mashinisida ötküzidighanliqini éytqanliqi ilgiri sürüldi.

london saqchiliri elchixana binasi etrapida bixeterlik tedbirlirini kücheytti.

bash elchi minn engliye metbuatlirigha bergen bayanatida, dölitining ichki urush girdabigha bérip qalghanliqigha isharet qilip: «men bérmaliqlarning ölüp kétishini körüshni xalimaymen» dédi.

min özining su chi hökümiti dewride bash elchilikke teyinlengenlikini we herbiy hökümetning buyruqigha buysunmaydighanliqini élan qilghanidi.

shuningdin kéyin, bérmada hakimiyetni tartiwalghan armiye, dölettiki herbiy siyasiy özgirish we saylanghan hökümet ezalirining qolgha élinghanliqini tenqid qilghan bash elchi minnning birmagha qaytip kélishini telep qilghanidi.