б д т ачарчилиқниң дәрдини әң көп тартиватқан дөләтни елан қилди
бирләшкән дөләтләр тәшкилати конго демократик җумһурийитидә 2018 – йили 13 милйон болған ач қалғанлар саниниң бу йил 27 милйонға йәткәнликини, һәр 3 адәмдин бириниң ачарчилиқ киризисигә дуч келиватқанлиқини билдүрди.
түркийә авази радийоси хәвири: бирләшкән дөләтләр тәшкилатиниң йеңи тәтқиқатиға қариғанда, дунйа бойичә ачарчилиқниң дәрдини әң көп тартиватқан дөләт конго демократик җумһурийити икән.
бирләшкән дөләтләр тәшкилати йемәк - ичмәк вә йеза игилик тәшкилати билән дунйа йемәк - ичмәк пирограммисиниң тәһлилигә қариғанда, һазир 7 милйон адәм ачарчилиқ кризисиниң «җидди сәвийәлири» дә һайат қелиш үчүн күрәш қилмақта икән.
буму ачарчилиқққа дуч келиватқанларниң йемәк – ичмәк еһтийаҗлириниң йеримидин көпрәки үчүн йардәм күтүватқанлиқини билдүридикән.
дөләттики ички тоқунушлар йемәк - ичмәк ишәнчисизликиниң асаслиқ сәвәблиридин бири дәп қарилидикән.
«ковид – 19» йуқуминиң тәсири вә қизил қатарлиқ кесәлликләрниң тарқилиши конголуқларниң қийинчилиқини техиму еғирлаштурмақта икән.