wénézuéla xelqaraliq jemiyettin yardem telep qildi

wénézuéla tashqi ishlar ministiri xorgé arréza (Jorge Arreaza) b d t din chégradiki kolombiyelik qalaymiqan qoralliq guruppilargha qarshi küreshte, txnikiliq we diplomatik yardem telep qildi.

1616316
wénézuéla xelqaraliq jemiyettin yardem telep qildi

türkiye awazi radiyosi xewiri: wénézuéla tashqi ishlar ministiri xorgé arréza paytext karakasta ötküzülgen axbarat élan qilish yighinida, chégradiki qoralliq guruppilarning wénézuéla terepke kömgen ménalarni bayqash we bir terep qilish mesiliside, b d t ména tazilash orginidin téxnikiliq yardem telep qilghanliqlirini bildürdi.

u b d t din kolombiyelik qalaymiqan qoralliq guruppilarning qeyerde yoshurunghanliqini bilish üchün tekshürüshni telep qilip, kolombiye pirézidénti iwan duké (Ivan Duque) ning mezkur guruppilarni qoghdawatqan bolushi mumkinlikige ishare qildi.

b d t ning wénézuéla bilen kolombiyening chégra rayonliridiki kirizisni birlikte hel qilish üchün biwaste alaqe qanili qurushqa yardem qilishni telep qilip, hazir ikki dölet küchliri arisida kordinatsiyening eng töwen sewiyede ikenlikini qeyt qildi.

chégragha yéqin rayonlarda yashaydighan 5 mingdin artuq wénézuélaliqlarning toqunushlar sewebidin yurt-makanliridin ayrilip, kolombiye terepke ötüp ketkenliki bilinmekte.



مۇناسىۋەتلىك خەۋەرلەر