qizil déngizda irangha tewe «sawiz» namliq soda paraxotida partilash yüz berdi
iran tashqi ishlar ministirliqi bayanatchisi seyyid xatibzade qizil déngizda irangha tewe «sawiz» namliq soda paraxotida partilash yüz bergenlikini we paraxotning ziyangha uchrighanliqini élan qildi.
türkiye awazi radiyosi xewiri:iran tashqi ishlar ministirliqining bayanatigha asaslanghanda, seyyid xatibzade tünügün qizil déngizning jibuti qirghaqlirigha yéqinlashqan sawiz namliq soda paraxotida shu yerning waqti 06:00 etrapida partilash yüz bergenlikini éytqan.
seyyid xatibzade partilashning menbesi we sheklige munasiwetlik tekshürüshlerning dawam qiliwatqanliqini bildürüp, weqedin kéyin paraxotning qismen ziyangha uchrighanliqini, emma ölüm-yétim we yarilinishning körülmigenlikini eskertken.
puqrawi sawiz namliq paraxotning déngiz qaraqchilirigha qarshi turush we déngiz bixeterlikige kapaletlik qilish üchün qizil déngizda paraxotlarning qatnash liniyesige orunlashturulghanliqini bayan qilghan xatibzade, xelqara déngizchiliq teshkilati (IMO) bilen maslishish ornitilghanliqinimu bildürgen.
xatibzade sawiz namliq paraxotning qizil déngizda iranning paraxotlirigha arqa sep teminat békiti süpitide ishlitilgenlikini we paraxotning wezipisi hemde alahidilikining xelqara déngizchiliq teshkilati (IMO) gha aldin uqturulghanliqini tekitligen.
