mozambikta peyda bolghan «ensarul sünne» namliq térorluq teshkilati puqralagha ziyan salmaqta

hindi okyanning déngiz qirghiqidiki sherqiy afriqa döliti mozambikta ensarul sünne térorluq teshkilatining palma rayonida élip barghan hujumliri sewebidin 30 ming kishi insanperwerlik yardimige mohtaj halgha chüshüp qaldi.

1616410
mozambikta peyda bolghan «ensarul sünne» namliq térorluq teshkilati puqralagha ziyan salmaqta

türkiye awazi radiyosi xewiri: yerlik metbuatlarning xewer qilishiche, mozambikni asas qilghan yardem teshkilati «döletlik apet xewpini bashqurush we azaytish tetqiqat orgini» (INGD) palmada texminen 40 ming kishining yashaydighanliqi we bixeterlik mesilisi sewebidin 9 ming kishining pemba, muéda, nangade we montépuéz qatarliq rayonlarda panahlanghanliqini élan qilghan.

bayanatta, palmadiki hujumlar sewebidin texminen 30 ming kishining jiddiy insanperwerlik yardimige mohtaj halgha chüshüp qalghanliqi bildürüldi.

yene bir tereptin mozambik hökümitining 30 kün ichide rayongha 585 milyon dollarliq insanperwerlik yardimi yetküzidighanliqi hembehirlendi.

mozambikte ensarul sünne térorluq teshkilatining puqralargha qilghan hujumi sewebidin köchüshke mejbur bolghan puqralar sanining 670 mingdin éship ketkenliki uqturulmaqta.

mozambikta tebiiy gaz we qimmetlik kan bayliqliri jaylashqan tanzaniye chégrasidiki kabo délgado rayonida 4 yil ilgiri peyda bolghan térorluq teshkilati ensarul sünnening hujumliri sewebidin 2000 din artuq kishi hayatidin ayrilghan idi.

bu hujumni élip barghan we térrorluq teshkilati daésh bilen chétishliqi bar dep qaraliwatqan qoralliq teshkilatni yerlik xelq  «eshshebab» depmu ataydu.



مۇناسىۋەتلىك خەۋەرلەر