yaponiye shimaliy koréyege qarita émbargolarning mudditini uzartti
yaponiyede hökümet shimaliy koréyege qaritilghan we 13 – aprél küni toshidighan émbargolarning mudditini yene ikki yil uzartti.
türkiye awazi radiyosi xewiri: shimaliy koréye, birleshken döletler teshkilati xewpsizlik kéngishining qararlirigha xilap halda 25 – mart küni ikki dane yéngi ballistik bashqurulidighan bomba siniqi élip barghan؛ yaponiye, amérika qoshma ishtatliri we jenubiy koréye piyongyanggha qarshi birleshken döletler teshkilati émbargolirining toluq ijra qilinishi we shimaliy koréyening yadro qoralliridin xaliy qilinishi toghruluq hemkarliq ornitish toghruluq chaqiriqta bolghanidi.
yaponiye bash weziri yoshihidé suga bolsa, yéqinda élan qilghan bayanatida, shimaliy koréye rehbiri kim jongun bilen shertsiz körüshüshke teyyar ikenlikini bildürgenidi.
tokyo, 2006 – yilqi bashqurulidighan bomba sinaqliridin kéyin, piyongyanggha qarshi émbargo qarari maqullap, shimaliy koréyedin importni we dölet bilen munasiwiti bar paraxotlarning yaponiyege kirishini chekligenidi. 2009 – yili bolsa, shimaliy koréyege qarita éksportnimu meniy qilip, émbargolarning dairisini kéngeytkenidi.
