iyordaniyede nezerbent qilinghanliqi ilgiri sürülgen shahzade sadaqetnamigha imza qoydi

iyordaniyening sabiq text warisi hemza bin hüseyin padishah 2- abdullahqa sadaqitini bildüridighan mektubqa imza qoydi.

1615728
iyordaniyede nezerbent qilinghanliqi ilgiri sürülgen shahzade sadaqetnamigha imza qoydi

türkiye awazi radiyosi xewiri: iyordaniye padishahliq diwanining bayanatigha asaslanghanda, shahzadilerdin hashim bin hüseyin, tallal bin muhemmed, ghazi bin muhemmed we rashid bin hesen padishah 2 - abdullahning taghisi hesen bin tallalning öyide shahzade hemza bin hüseyin bilen bir yerge jem bolghan.

shahzade hemza bin huseyin mektubida hashimiylarning tarix boyiche hakimiyette adalet we köyümchanliqini namayan qilip kelgenlikini tekitlep, «men padishahqa we iyordaniye hashimiy padishahliqining asasiy qanunigha sadiq bolimen, men hemishe padishahning we text warisi shahzadisining qollighuchisi bolimen» dédi.

padishahning taghisi hesenni shahzade hemza bilen bolghan mesilini bir terep qilishqa teyinligenliki, shahzadiningmu hashimiy xan jemeti belgiligen hakimiyetke sadaqet körsitidighanliqi tekitlengen idi.

amérikaning «washingiton pochta géziti» 3-aprélda sabiq text warisi shahzade hemza bin hüseyin bilen  20 kishining «döletning muqimliqigha tehdit» dégen seweb bilen qolgha élinghanliqini xewer qilghan idi.

iyordaniye armiye bash ishtab bashliqi général mayor ehmed el huneyti shahzade hemzaning qolgha élinmighanliqini, emma uningdin döletning bixeterlikige ziyan yetküzidighan paaliyetlerni toxtitish telep qilghanliqini élan qilghan idi.



مۇناسىۋەتلىك خەۋەرلەر