amérika xelqi köchmenler mesiliside trampni emes, baydinni eyiblimekte
amérikada élip bérilghan bir ray sinash netijiside, méksika chégrasidiki köchmenlerning köpiyip kétishige qarita amérika xelqining sabiq pirézidént donald trampni emes, hazirqi pirézidént jo baydinni jawapkar dep qaraydighanliqi otturigha chiqti.
türkiye awazi radiyosi xewiri: «Hill-HarrisX» teripidin 24-we 26-martta élip bérilghan ray sinashqa asaslanghanda, qatnashquchilarning %44 i amérikigha ötüsh üchün méksika chégrasigha seldek éqiwatqan köchmenler mesiliside, pirézidént baydinning jawabkarliqi barliqini bildürgen bolsa, qantashquchilarning peqet %28 i sabiq pirézidént trampning jawabkarliqi barliqini otturigha qoyghan.
özlirining jumhuriyetchiler partiyesini qollaydighanliqini bildürgen qatnashquchilarning %73 i chégradiki bu weziyetke qarita hazirqi hökümetni «mesile yaratqan» dep eyipligen.
démokratlar partiyesini qollaydighanliqini bildürgen qatnashquchilardin %46 i tramp hökümitini eyibligen.
buningdin ilgiri élip bérilghan ray sinashta, 30-séntebirgiche méksika chégrasidin amérikigha kiridighan köchmenler sanining 2 milyondin éship kétishi mumkinliki we bu sanning bir rékort yaritidighanliqi tekitlengen idi.
