ئامېرىكا خەلقى كۆچمەنلەر مەسىلىسىدە ترامپنى ئەمەس، بايدىننى ئەيىبلىمەكتە

تۈركىيە ئاۋازى رادىيوسى خەۋىرى: «Hill-HarrisX» تەرىپىدىن 24-ۋە 26-مارتتا ئېلىپ بېرىلغان راي سىناشقا ئاساسلانغاندا،  قاتناشقۇچىلارنىڭ %44 ى ئامېرىكىغا ئۆتۈش ئۈچۈن مېكسىكا چېگراسىغا سەلدەك ئېقىۋاتقان كۆچمەنلەر مەسىلىسىدە، پىرېزىدېنت بايدىننىڭ جاۋابكارلىقى بارلىقىنى بىلدۈرگەن بولسا، قانتاشقۇچىلارنىڭ پەقەت %28 ى سابىق پىرېزىدېنت ترامپنىڭ جاۋابكارلىقى بارلىقىنى ئوتتۇرىغا قويغان.

ئۆزلىرىنىڭ جۇمھۇرىيەتچىلەر پارتىيەسىنى قوللايدىغانلىقىنى بىلدۈرگەن قاتناشقۇچىلارنىڭ %73 ى چېگرادىكى بۇ ۋەزىيەتكە قارىتا ھازىرقى ھۆكۈمەتنى «مەسىلە ياراتقان» دەپ ئەيىپلىگەن.  

دېموكراتلار پارتىيەسىنى قوللايدىغانلىقىنى بىلدۈرگەن قاتناشقۇچىلاردىن %46 ى ترامپ ھۆكۈمىتىنى ئەيىبلىگەن.

بۇنىڭدىن ئىلگىرى ئېلىپ بېرىلغان راي سىناشتا، 30-سېنتەبىرگىچە مېكسىكا چېگراسىدىن ئامېرىكىغا كىرىدىغان كۆچمەنلەر سانىنىڭ 2 مىليوندىن ئېشىپ كېتىشى مۇمكىنلىكى ۋە بۇ ساننىڭ بىر رېكورت يارىتىدىغانلىقى تەكىتلەنگەن ئىدى.