tunis pirézidénti yawropa ittipaqi kéngishining bashliqi mishél bilen körüshti
tunis yawropa ittipaqigha qalaymiqan köchning tégide yatqan ishsizliq we kembeghellik qatarliq mesililerni öz ichige alghan keng dairilik hel qilish usulini tereqqiy qildurushni chaqiriq qildi.
türkiye awazi radiyosi xewiri: tunis pirézidénti kays seid resmiy ziyaret üchün tunisqa yétip kelgen yawropa ittipaqi kéngishining bashliqi charliz mishél bilen körüshkendin kéyin, pirézidéntliq mehkimisi yazma bayanat élan qildi.
tunis pirézidéntliq mehkimisining bayanatigha asaslanghanda, körüshüshte, tunis bilen yawropa ittipaqi otturisida iqtisad, aliy maarip we téxnologiye saheside istratégiyelik shériklik munasiwetlirining tereqqiy qildurulushi we wuxen wirusi (Kovid-19) ning iqtisadqa körsitiwatqan tesirlirige qarshi küresh qilish mesililiri muzakire qilinghan.
tunis pirézidénti kays seid qalaymiqan köchning tégide yatqan ishsizliq we kembeghellik qatarliq mesililerni öz ichige alidighan keng kölemlik hel qilish usulini tereqqiy qildurushqa chaqirghan.
yawropa ittipaqi kéngishining bashliqi charliz mishél bu qétimqi ziyaritining, yawropa ittipaqi bilen tunis otturisidiki dostluqni mustehkemlesh, ortaq ehmiyet béridighan sahelerdiki mesililerde diyalog ornitish we yawropa ittipaqining tunistiki démokratiyelishish musapisini qollash nuqtisidin emelge ashurulghanliqini qeyt qildi.
u yene, yashlarning jemiyettiki rolini qollash we ijtimaiy hemkarliqlarni kücheytish arqiliq terepler otturisidiki hemkarliqlarning süritini tézleshtürüshni chaqiriq qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
