германийәдә турушлуқ муһаҗир түркләр мавританийәлик балиларни хушаллиққа чөмдүрди

түркийә авази радийоси хәвири: қанчилиған йиллар илгири турмушини капаләтләндүрүш үчүн ана вәтини түркийәдин айрилип, германийәгә кәткән вә германийәдә олтурақлишип қалған түрк аилиләр рамизанлиқ ианилирини өзлири әза болған һәр  қайси хәйр-сахавәт тәшкилатлири арқилиқ африқа дөләтлиридин мавританийәгә йәткүзди.

диний ишлар идариси вә түркийә диний ишлар фонди җәмийитиниң һәмкарлиқида, түрк-ислам бирлики германийә вакаләтханиси (DITIB) билән районға йетип барған муһаҗир түркләр биллә елип барған кийим-кечәкләрни бракна районидики балиларға тарқитип бәрди.

һейтлиқ кийим вә кәмпүтләрни балиларға тарқитип бәргән түркләр, балилар билән күн бойи охшимиған ойунларни ойниди вә балиларға унтулғусиз хушал бир күнни бәхш әткән болди.