moskwa: ukraina chégrasidiki heriketler héchkimge tehdit emes
moskwa hökümiti ukraina chégrasidiki rusiye herbiy heriketlirining héchkimge tehdit peyda qilmaydighanliqini élan qildi.
türkiye awazi radiyosi xewiri: rusiye krémil sariyining bayanatchisi dmitriy péskow (Dmitry Peskov) rusiyening dölet ichide muwapiq körgen shekilde armiye qisimlirini yötkigenlikini bildürdi.
rusiye krémil sariyining bayanatchisi dmitriy péskow rusiyening her qachan öz bixeterlikini közitidighanliqini eskertip, ukraina chégrasidiki armiye qisimlirini yötkeshning ukrainagha yaki bashqa döletler üchün tehdit peyda qilmaydighanliqini bildürdi.
ukraina armiye ishtab bashliqi ruslan homchaq 30-mart (2021) parlaméntta söz qilghanda, rusiye qoralliq küchlirining manéwirni bahane qilip, ukraina chégraliri etrapigha esker yötkigenlikini qeyt qilghan idi.
rusiye krémil sariyi bayanatchisi dmitriy péskow ilgirimu rusiyening térritoriyeside qoralliq küchlirini öz iradisi boyiche yötkigenlikini we uning héchkim üchün tehdit emeslikini bildürgen idi.
rusiye donbas rayonidiki kirizisning hel qilinishi üchün, rusiye, ukraina hemde yawropa xewpsizlik we hemkarliq teshkilatidin terkip tapqan üch guruppa, 2020-yili 27-iyuldin tartip keng dairilik urush toxtitishni qarar qilghan idi.
rayonda namda musteqilliqini élan qilghan rusiyeperes bölgünchiler bilen kiyéw hökümiti otturisida 2014-yilidin buyan dawamlshiwatqan toqunushlarda, 13 mingdin artuq kishi jénidin ayrildi.
