liwiye hökümiti her qaysi döletlerni elchixanilirini qaytidin échishqa chaqirdi
liwiye hökümiti paytext tiripolida elchixana achmighan döletlerge, liwiyeliklerge we dölettiki chet elliklerge xizmet üchün bu qedemni bésish musapisini tézleshtürüshni chaqiriq qildi.
türkiye awazi radiyosi xewiri: liwiye tashqi ishlar ministiri nejla elmengush tünügün (2021-yili 4-aprél) tiripoligha ziyaretke kelgen yawropa kéngishining bashliqi charliz mishél bilen ortaq axbarat élan qilish yighini ötküzdi.
nejla elmengush: «bashqa döletlerni liwiye puqralirigha we chet elliklerge téz sürette xizmet bérish üchün elchixana we konsulxanilarni qaytidin échish musapisini tézleshtürüshke chaqirimiz» dédi.
u hökümetning wezipisining, muqimliqni kapaletke ige qilish we saylamlarni waqtida ötküzüsh shertlirini muwapiq halgha keltürüsh ikenlikini eskertip, saylam komitétigha her türlük yardemlerni qilghanliqlirini, yawropa ittipaqining saylam komitétini téxnika, arqa sep we telim-terbiye jehettin qollishigha éhtiyajliq ikenliklirini bildürdi.
u chet ellik yallanma jengchilerning liwiyedin derhal chiqip kétishi üchün nahayiti ochuq we muhim istratégiyelirining barliqini tekitlidi.
u liwiyedin yawropagha qanunsiz köch üstidimu toxtilip, liwiye bilen yawropa ittipaqi otturisida izchil hemkarliqni shert qilghan mesililerning barliqini qeyt qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
