булғарийәдики партийәләрниң һечқайсиси һөкүмәт қуруш үстүнлүкигә еришәлмиди
булғарийәдә түнүгүн (2021-йили 4-апрел) өткүзүлгән сайламда, рәсмий болмиған нәтиҗиләргә асасланғанда, һечқайси партийә парламентта өз алдиға һөкүмәт қуралайдиған санға игә болалмиған.
түркийә авази радийоси хәвири: аваз сандуқидики нәтиҗиләргә қариғанда, баш министир бойко борисов рәһбәрлик қиливатқан булғарийәниң йавропалиқ тәрәққийати үчүн йуртдашлар партийәси(GERB) сайламда биринчи орунни игәллигән.
булғарийәниң йавропалиқ тәрәққийати үчүн йуртдашлар партийәси %24.2 авазға еришкәнлики вә 240 кишилик парламентта 69 орунға игә болғанлиқи қәйт қилинди.
бу қетимқи сайламда қатнишиш нисбити %47.5 гә йәткән болуп, рәсмий болмиған нәтиҗиләргә асасән, йеңи мәзгилдә парламентқа йәттә партийәниң киргәнлики әскәртилди. тизимға елинған 6 милйон 355 миң 633 сайлиғучи бар булғарийәдә, мәзкур сайламда 30 сийасий партийә вә бирләшмиләрдин болуп 6 миң 895 намзат өзара риқабәтләшти.
сайламниң рәсмий нәтиҗилири икки күндин кейин елан қилиниду.
